Пошук
Навіны
30.03.2018
У Ватыкане выйшаў даведнік па Ўсходніх Каталіцкіх Цэрквах
 
Рымскаму Архірэю 24 сакавіка 2018 году ўручылі новае выданьне даведніка па Ўсходніх Каталіцкіх Цэрквах — паведамляе Беларуская рэдакцыя Ватыканскага радыё. Публікацыя даведніка «Oriente Cattolico» прымеркавана да 100-годдзя з дня заснаваньня Кангрэгацыі Ўсходніх Цэркваў.
 
Папярэдняе выданьне датуецца аж 1974 годам. За амаль 45 гадоў адбылося «пераасэнсаваньне эклезіялагічных катэгорыяў і абнаўленьне гістарычнага профілю» усходне-каталіцкіх супольнасьцяў. У новым 3-томавым выданьні зьмешчаны бібліяграфічныя спасылкі, у яго ўключаны картаграфічны разьдзел, які дэманструе прысутнасьць Усходніх Каталіцкіх Цэркваў у розных краінах сьвету, на ўсіх кантынентах. У даведніку ёсьць таксама разьдзел, прысьвечаны Беларусі.
 
Стваральнікі Даведніка спадзяюцца, што ён стане інструментам для больш глыбокага знаёмства з усходнім хрысьціянствам і з усёй праблематыкай, што з ім зьвязаная. Даведнік можна набыць таксама ў электроннай версіі ў фармаце «кindle». З ім можна азнаёміцца і на сьпецыяльным інтэрнэт-партале www.orientecattolico.com.
 
Прэфект Кангрэгацыі Ўсходніх Цэркваў кардынал Леанарда Сандры выказаў спадзяваньне, што публікацыя стане для епархій, парафій і навучальных установаў магчымасьцю для вывучэньня і рэфлексіі багатай спадчыны веры, культуры і велізарных пакутаў хрысьціянскага Ўсходу.
 
У першыя тыдні пасьля Вялікадня Даведнік стане даступны ў розных фарматах, будуць арганізаваныя яго прэзентацыі, заявілі ў ватыканскай Кангрэгацыі Ўсходніх Цэркваў.
Гл. таксама:
20.10.2017
У юбілей 100-годдзя Кангрэгацыі Ўсходніх Цэркваў Папа заклікаў усходніх католікаў да цярплівай і адважнай малітвы
14.10.2017
Папа Францішак сустрэўся з ўсходнімі патрыярхамі і вярхоўнымі архібіскупамі
08.10.2017
Кардынал Леанарда Сандры пабываў з візітам у Румыніі
04.06.2016
Пілігрымка Кангрэгацыі Ўсходніх Цэркваў у Год міласэрнасьці
24.09.2014
Прадстаўнік РПЦ сустрэўся з прэфектам Кангрэгацыі Ўсходніх Цэркваў