Пошук
Архіў навін

 

17.12.2011

 

Напярэдадні Калядаў Апостальскі нунцый сустрэўся з грэка-каталіцкім духавенствам


15 сьнежня 2011 году ў рамках пастырскага візіту ў Полацак, Апостальскі нунцый у Беларусі архібіскуп Клаўдыё Гуджэроцьці сустрэўся з грэка-каталіцкім духавенствам.

Найперш, па запрашэньні біскупа Віцебскага Ўладзіслава Бліна, грэка-каталіцкія сьвятары разам з Апостальскім візітатарам для грэка-католікаў у Беларусі архімандрытам Сяргеем Гаекам удзельнічалі у перадкаляднай сустрэчы духоўных асобаў Віцебскай дыяцэзіі ў Наваполацку і цэлебравалі літургію, якую ўзначаліў Апостальскі нунцый.

Пасьля абеду архібіскуп Гуджэроцьці наведаў грэка-каталіцкую сьвятыню сьвятой Параскевы ў Полацку, дзе ўдзельнічаў у Акафісьце Найсьвяцейшай Багародзіцы і скіраваў да грэка-каталіцкіх сьвятароў пастырскае слова.

Гэтая душпастырская сустрэча працягнулася за гасьцінным сталом у парафіяльным доме. На ёй былі абмеркаваныя прыярытэты душпастырскага служэньня ў грэка-каталіцкіх парафіях Беларусі на бліжэйшы час.

На заканчэньне Апостальскі нунцый перадаў сваё блаславеньне і сьвяточныя пажаданьні ўсім сьвятарам, іх сем’ям і парафіям, у якіх яны служаць.

Паводле Catholic.By

Гл. таксама:
31.07.2016
«Сьвяты для ўсіх» — беларусы згадалі, што хрысьціянства нам прынёс ісландзец
15.12.2015
Архібіскуп Клаўдыё Гуджэроцьці: «Я быў сьведкам вашага пошуку ўнутранай свабоды»
06.12.2015
Клаўдыё Гуджэроцьці: «Усім я жадаю свабоды мараў і веры ў тое, што няма нічога немагчымага»
02.12.2011
Сустрэць агонь і несьці агонь
12.10.2011
У Беларусі распачынае служэньне новы Апостальскі нунцый