Пошук
Навіны
18.12.2015
Незвычайны музычны альбом Папы Францішка
 
17 сьнежня Сьвятому Айцу Францішку споўнілася 79 гадоў. За некалькі тыдняў да яго дня народзінаў, 27 лістапада 2015 году, пабачыў свьет незвычайны музычна-катэхетычны праект — музычны альбом «Wake Up»! («Абудзіцеся!») з урыўкамі з прамоваў Папы Францішка і яго малітвамі.
 
Гэта арыгінальная калекцыя мае 11 трэкаў на амаль гадзіну гучаньня. Сабраныя там кампазіцыі вельмі разнастайныя паводле жанру: пачынаючы ад грыгарыянскага сьпеву да рока, ад лаціны да сучасных сьпеваў у розных стылях, якія зьмяшчаюць антыфоны і сьвятыя гімны хрысьціянскай музычнай традыцыі. Яны былі апрацаваныя сучаснымі кампазітарамі і некаторымі адмыслоўцамі ды спалучаныя разам з прамовамі Папы Францішка, што былі ўзятыя непасрэдна з гукавых архіваў Радыё Ватыкану.
 
Папа ў гэтым музычна-катэхетычным альбоме зьвяртаецца да ўніверсальных пытаньняў, якія абмяркоўваюцца ў яго катэхезах і энцыкліках, такія як мір, прырода, галеча, вера, сям’я...
 
У залежнасьці ад абставінаў, у якія трапляў Францішак, урыўкі з яго выступаў гучаць у італьянскай, гішпанскай, ангельскай і партугальскай мовах.
 
Трэк-ліст альбому Папы ўтрымлівае наступныя кампазіцыі:
 
01. Annuntio Vobis Gaudium Magnum 00:00
02. Salve Regina 06:53
03. Cuidar El Planeda 12:22
04. Por Que Sufren los ninos? 17:14
05. Non lasciatevi rubare la speranza 22:38
06. La Iglesia no puede ser una Ong! 26:51
07. Wake Up! Go! Go! Forward! 31:43
08. La fe es entera no se licua! 36:58
09. Pace! Fratelli! 41:31
10. Santa Famiglia di Nazareth! 47:24
11. Fazei o Que Ele Vos Disser! 52:42
Гл. таксама:
03.05.2017
Папа Францішак і копцкі праваслаўны патрыярх падпісалі сумесную дэкларацыю
20.12.2015
Нясумны Папа, які любіць зьдзіўляць
10.12.2015
Рымскі Архірэй адчыніў Сьвятыя Дзьверы
10.07.2014
Папа — ахвярам сэксуальнага злоўжываньня духавенства: “Прашу прабачэньня і плачу разам з вамі”
19.04.2011
Сірыйска-малабарскі ярарх: трактуеце нас несправядліва