Пошук
Навіны
09.02.2019
Першаярарх УГКЦ ад імя Сіноду сваёй Царквы павіншаваў Архімандрыта Сяргея (Гаека) з 70-годдзем
 
Вярхоўны Архібіскуп Украінскай Грэка-Каталіцкай Царквы Яго Блаславенства Сьвятаслаў (Шаўчук) асабіста і ад імя Сіноду Біскупаў УГКЦ павіншаваў патрыяршай граматай Апостальскага Візітатара для грэка-католікаў у Беларусі Архімандрыта Сяргея (Гаека) з нагоды 70-годдзя — паведамляе Дэпартамент інфармацыі УГКЦ.
 
«У гэты сьвяточны дзень дзякуем Госпаду за дар Вашага жыцьця і за ўсе дары, якімі Ён так багата Вас надзяліў і якія Вы шчодра памножылі на працягу свайго ахвярнага сьвятарскага служэньня Богу і Царкве», — адзначаецца ў тэксце граматы першаярарха братняй Грэка-Каталіцкай Царквы.
 
Юбіляру пажадалі, каб Усявышні блаславіў яго сваімі шчодрымі дарамі, паслаў мудрасьць у сьвятарскім служэньні, якое Апостальскі Візітатар архім. Сяргей Гаек зьдзяйсьняе ў Беларусі ўжо на працягу многіх гадоў, сярод людзей, якія ўсім сэрцам любяць Бога і нашу Царкву.
 
«Будзьце і надалей добрым ахоўнікам і настаўнікам веры, дбайным дабравесьнікам слова Хрыстовага Евангельля і асобай, чуйнай да патрэбаў бліжніх», — напісана ў віншавальнай грамаце.
Гл. таксама:
02.10.2017
Упершыню з часоў скасаваньня Уніі грэка-каталіцкі мітрапаліт Кіеўскі адслужыў сьв. Літургію ў Беларусі
25.04.2017
Сьвятар, які служыў у Беларусі, прызначаны кіруючым біскупам грэка-каталіцкай япархіі ў Чыкага
09.03.2017
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
19.03.2016
Пасланьне Папы з нагоды 70-х угодкаў Львоўскага псеўдасабору
14.03.2016
У 70-ыя ўгодкі Львоўскага псеўдасабору ярархі УГКЦ сустрэліся з Папам